«Մեդեսի» ստոմատոլոգիական կենտրոն

Մեր հյուրն է «Մեդեսի» ստոմատոլոգիական կլինիկայի տնօրեն Մհեր Մկրտումյանը:

— Լինելով նորաբաց կլինիկա և գործելով ներկայիս մրցակցային պայմաններում, «Մեդեսի» ստոմատոլոգիական կլինիկան բուժման ի՞նչ ժամանակակից մեթոդներ է ներմուծել Հայաստան:

— Մեր կլինիկան իր գործունեության առաջին օրվանից նպատակ ունի համապատասխանելու աշխարհի լավագույն կլինիկաներին: Մենք ներմուծել ենք դեռևս Հայաստանում չկիրառվող լավագույն լազերային սարքավորումները: Դրանցից է հայտնի Biolase ֆիրմայի Waterlas լազերային սարքը, որը ոչ միայն հեշտացնում է բժշկի աշխատանքը, այլև` կատարվում են բարդ վիրահատություններ: Այդ սարքի շնորհիվ ատամի մշակումն իրականացվում է լազերային ճառագայթի միջոցով: Այն կարողանում է ընտրողաբար հեռացնել ատամի վնասված հյուսվածքը` զերծ մնալով առողջ հյուսվածքին դիպչելու հավանականությունից: Բուժումն անցնում է անցավ և որակյալ: Վիրահատությունն ընթանում է արյան բացակայությամբ: Լազերային սարքի միջոցով կատարվում են նաև պլաստիկ վիրահատություններ

— Բարձրակարգ հիվանդանոցներում բուժումն աստղաբաշխական թվեր արժե, որն ամեն մարդու գրպանի համար չէ: Ի՞նչ գնային համակարգ է գործում ձեզ մոտ:

— Մենք որդեգրել ենք մի սկզբունք. սարքավորումը Հայաստան ենք ներմուծել ոչ թե բիզնեսի միջոց դարձնելու, այլ` ազգաբնակչությանը ճիշտ ծառայեցնելու նպատակով: Ի տարբերություն արտասահմանյան կլինիկաներում գործող գնային թանկ քաղաքականության` մեր կլինիկայում գները` որակի համեմատ, բավականին մատչելի և ցածր են:

— Հայաստանում նորամուծություն դարձած լազերային սարքավորումը հավելյալ ի՞նչ հնարավորություններ է ընձեռում:

— Նախ. լազերը սարք է` հեշտացնելու բժշկի աշխատանքը: Երկրորդ. դրա շնորհիվ հաճախորդը խնայում է իր ժամանակը և ստանում որակյալ բուժման հնարավորություն: Եվ երրորդ. լազերի միջոցով այսօր կարելի է անել ամեն ինչ, ինչ հնարավոր չէ ստանդարտ սարքավորումներով:

— Առավել շատ ի՞նչ խնդիրներ են դիմում «Մեդեսի» ստոմատոլոգիական կլինիկա և արդյո՞ք արդարացվում են սպասելիքները:

— Մեզ դիմում են ամենատարբեր խնդիրներով: Կատարում ենք ամբողջ աշխարհում գործող Բրեկկետ համակարգի միջոցով ատամների ուղղում: Իմ մասնագիտացումը կոնկրետ այս բնագավառում է: Պետք է նշեմ, որ Բրեկկետ համակարգի կիրառումն իրականացվում է առանց տարիքային սահմանափակման: Հայաստանում տարածված են անհայտ ծագմամբ բրեկկետներ: Մենք օգտագործում ենք ամերիկյան և եվրոպական արտադրության շարժական բրեկկետներ: Կատարում ենք ատամների սպիտակեցում, քարերի մաքրում, ինչպես նաև` ատամների վրա թանկարժեք քարերի տեղադրում: Նշեմ, որ հաճախորդների մեծամասնությունը դիմում է օրթոդոնտիկ և օրթոպեդիկ խնդիրներով: Քիչ մաս չեն կազմում նաև իմպլանտացիայի հարցերով դիմողները:

— Ի՞նչն է յուրահատուկ Ձեր կլինիկայում:

— Մեր կլինիկան ունի մի շարք առավելություններ` պրոֆեսիոնալ անձնակազմ, առանձնացված ստորաբաժանումներ` արդի ստոմատոլոգիայի, բուժական և պրոթեզավորման, մանկական, վիրաբուժական, պարոդոնտոլոգիական, իմպլանտոլոգիայի, օրթոդոնտիայի բաժանմունքներ: Ունենք նաև ատամնատեխնիկական լաբորատորիա, մանրէազերծման ժամանակակից համակարգ, հիվանդների սպասարկման արդի պայմաններ: Ինչ վերաբերում է անձնակազմին, նշեմ, որ մեր մասնագետների մի մասը հրավիրված է ԱՄՆ-ից և Ռուսաստանի Դաշնությունից, իսկ մյուս մասը` վերապատրաստվել է արտերկրներում: Մեր գործում ամենակարևորը մասնագետն է, իսկ թիմային աշխատանքի շնորհիվ կատարած գործի արդյունավետությունը կրկնապատկվում է:

Մաղթենք նորաբաց «Մեդեսի» ստոմատոլոգիական կլինիկային հաջողություն և առողջ մրցակցություն հետագա աշխատանքում:

Հարցեր, պատասխաններ, մեկնաբանություններ